Handiago ikusi 
Liburu honen idazleak eta aldi berean protagonistak, patuak eraginda edo, Venezuelako hiri zaratatsuetatik urrun, Amazonian dagoen Coromoto izeneko herriska batean gauzatzen du eleberri honen istorioa. Bertan, oraindik, izpirituengan sinesten duen eta handinahikeriarik ezagutzen ez duen leinu bat bizi da: yanomamiena. Lurra eta ehizaz baino ez dira baliatzen euren bizimodu apala aurrera ateratzeko eta egunekoa nahikoa dute zoriontsuak izateko… Edonola ere, armonian bizi den herri bat izan arren, egurraren espekulatzaileak eta garimpeiroak etorri zirenetik desagertzeko zorian dagoen gizajende baten aurrean gaude.
